VESTIGIUM

VESTIGIUM

a Vestigo, signum est cuiuscumque rei adeo impressum, ut facile deprehendi possit. Virg. Ecl. 4. v. 31.

Pauca tamen suberunt priscae vestigia fraudis.

Ovid. l. 3. Amor. El. 7. v. 19.

Cerne cicatrices, veteris vestigia pugnae etc.

Vide Vallam, Eleg. l. 5. c. 45. Becmannum, Origin. LL. p. 566. et Salmas. Not. ad Pallium Tertulliani, c. 4. In specie, signum pede factum, Graec. ἴχνος, imo aliquando pes ipse seu planta, ut pluribus docet Casp. Barthius, Animadversion. Papinian ad. l. 2. Theb. v. 11. et Iac. Ouzelius ad Minucium Fel. p. 8. Haec adorare ac venerari summus cultus. Idem Poeta, l. 12. Theb. extr. v. 817.

Vive precor, nec tu divinam Aeneida tenta,

Sed longe sequere et vestigia semper adora.

Cuius moris luculenta in Sacris, Mosis imprimis et Eliae historia. exempla. Quo respicens Amedaeus Lausann. Homil. 3. Demus itaque ait, gloriam Deo, et cadentes in facies nostras adoremus a longe vestgia. Supplicibus id inprimis factitatum. Amm. Marcellin. l. 17. Manus ad dimicandum aptatas, armorum abiectô munimine poneterga vinxerunt; restareque solam salutem contemplantes in precibus, effese sunt vestigils Augusti Clementis. Et Statius iterum, l. 11. Theb. v. 689.

--- --- An exspectas, ut pronus supolice dextra

Sternar? et intmitis Domini vestigia quaeram?

Apud Gentiles praesertim, cum Diis suis supplicabant. Appuleius, Milesiâ 6. Tunc Psyche pedes eius advoluta et uberi fletu rigans Deae vestigia, humumque verrens crinibus suis. Et Miles. 11. Exin gaudiô delibuti populares thallos, verbenas, corollas serentes, exosculatis Vestigiis Deae, quae gradibus haerebant argento formata, ad sues discedunt lares. Id quod Graeci dixêre τοῖς ἴχνεσι τȏυ ἀγάλματος προσφύναι, uti videmus apud Heliodorum, Aethiopiorum l. 5. et 7. laudatum Desid. Heraldo, ad Arnob. l. 6. Imo

Crinibus nonnumquam matronarum passis verri hôc fine ac lacrimis tingi consuevisse, notum. Sed et floribus ea prosequebantur, de victoria vel re alia bene gesta gratulantes, ut hîc passim videre est. Sanguine vero mutuô in foederibus aspersa, veterum Danorum more: quô pactô Liserum piratam et Hadingum Grami Danorum Regis filium exulem, arctissimis societatis vinculis colligatos, Lokero Curetum tyranno bellum denuntiâsse, legitur apud Saxonem, l. 1. etc. Coeterum Vestigium Herculis, petrae impressum, in Exampeo loco medio inter Borysthenem et Hypanim, iuxta fluv. Tyrem, bicubitali magnitudine, ostensum olim a Syxthis, memoratur Herodoto, l. 4. sicut de Adami vestigio in monte celsissimo Prco d' Adam, in Insul. Teneriffa, simile quid narrari ab incolis, Itinerariorum Scriptores notant. Contra Ladas, Alexandri cursor, Vestigia arenae nulla impressisse et visum soepe fefellisse, legitur apud Alexandrum Neapolit. Genialium Dierum l. 2. c. 21. Sed. et Vestigia genuum Domini N. I. Christi Gethsemani lapidibus impressa, ex frequenti ad preces ingeniculatione, cerni, ex Beda Baronius refert: quod, quia neque Eusebius, neque Hieronymus, tanto vetustiores Bedâ Scriptores, et testes oculati, ullam rei mentionem faciunt, venit in suspicionem Casaubono, neque falsum, neque verum esse penitus. Fieri enim, inquit, potest, ut eius memoriâ extarent vestigia quaedam genuum in cavato lapide, ex assidua attritione illoum, qui ad precandum, ut ait Eusebius, magnô studiô illuc conveniebant et genua ibi flectebant. Nam ita hodie, ante celeberrima quaedam alteria, impressa vestigia orantium, et saxa usu cavata observavimus: nusquam vero magis insigniter, quam in primaria Cantuariae Ecclesia, illô locô, ubi fuit olim figura Thomae Baceti; qni superioribus saeculis multo sludiosius ibi solitus coli, quam vel B. Virgo, vel ipse Christus; quod demonstratione certissimâ, et ὀφθαλμοφανεῖ e monumentis eius Ecclesiae probare possemus, si id ageretur. Videtur tale quid contigisse Gethsemani (loco, in quo ante Passionem CHRISTUS oravit, et in quo diu post preces peragere Christiani studebant) in ea Ecclesia, cuius meminit Hieronyinus: quod per errorem vel superstitionem ad Dominum retulerant, qui eam Bedae Historiam narrârunt. Expendantur Eusebii verba, quo in loco etiam nunc homines magnô studiô preces faciunt; Non videbitur a probabilitate alienum, quod diximus. Vide Isaac. Casaubon. Exercitat. 16. §. 63. De Vestigiis vero Deorum exeuntium in Foro visis, sub Commodo, apud Lampridium in co, c. 16. quod prodigium alias quoque in Historia Rom. legas non semel, eundem, Not. ad Lamprid. uti de Vestigiis in genere plura, apud Barthium, ad Claudianum etc.